ഒരു തലമുറ ഈ ലോകത്ത് നിന്ന് കൊഴിയുമ്പോള്‍ അനേകം നാട്ടറിവുകളുടെ സമ്പത്താണ് നമുക്ക് നഷ്ടപ്പെടുന്നത്.  അത് കൊണ്ട് തന്നെ നമുക്ക് കൈമോശം വന്നുപോകുന്ന ഇത്തരം നാട്ടറിവുകളെ ശേഖരിച്ച് ഒരു രജിസ്റ്ററാക്കി സൂക്ഷിച്ചുവെക്കുകയും, അവ ഈ  വെബ്പോര്‍ട്ടലിലൂടെ വീണ്ടും ജനങ്ങളിലേക്കെത്തിച്ച്  ഇതിന്റെ കാലികപ്രാധാന്യവും അവ സംരക്ഷിക്കേണ്ടതിന്റെ ആവശ്യകത തിരിച്ചറിയുകയും ചെയ്യുക എന്ന ദൗത്യം നിറവേറ്റുകയാണ്.     

     അതിവേഗം സഞ്ചരിക്കുന്ന ഈ പുതിയലോകത്ത്  ഒന്നിനും സമയമില്ലാത്ത സമൂഹത്തിന് അവന്റെ പാരമ്പര്യത്തെ കുറിച്ചറിയാനും പഴമയുടെ ലാളനയും സംരക്ഷണവും അവനെ എത്രമാത്രം ഉള്‍കൊളളുന്നു എന്നറിയിക്കാനും ഈ പഴമയുടെ സമ്പത്ത് ഭാവി തലമുറക്ക് കൈമാറാനും അവരുടെ കൈകളില്‍ ഇത് സുരക്ഷിതമാക്കാനും വേണ്ടിയുള്ള ഈ പ്രവര്‍ത്തനത്തില്‍  നിങ്ങളും കണ്ണികളാവുക.  നിങ്ങളുടെ ഇടയിലുള്ള ഏതെങ്കിലും തരത്തിലുള്ള  നാട്ടറിവുകളോ നാടന്‍കണ്ടുപിടുത്തങ്ങളോ നിങ്ങള്‍ ഞങ്ങളിലെത്തിക്കുക.  അതിലൂടെ തലമുറകളുടെ അമൂല്യ സമ്പത്ത് തലമുറകളിലൂടെയും പുതിയ സാങ്കേതികവിദ്യയിലൂടെയും സംരക്ഷിക്കുകയും പരിപോഷിപ്പിക്കുകയും ചെയ്യുക.